Møre og Romsdal satsar stort på TV-aksjonen 96
"MILJØ FOR LIVET"Skular og barnehagar blir inviterte til å delta på ein fylkesdekkande konferanse på Gjermundnes landbruksskule 19. og 20. september. Føler de at de verkeleg har fått til miljøprosjekt eller ein vellykka vri på miljøundervisninga, så ta kontakt med Statens utdanningskontor i Møre og Romsdal! |
| Miljøundervisning, regional samling hausten 1996 i samband med TV-aksjoen "MILJØ FOR LIVET" Ynskje om deltaking frå barnehagar og skolar
19. og 20. september legg vi opp til ei større markering om miljø og Miljøundervisning på Gjermundnes landbruksskule. Målet med konferansen er å aktualisere nasjonale og regionale miljøspørsmål.
| Samlinga går over to dagar, men det er første dag, den 19. september, som skal vektlegge miljø og miljøarbeid i vid tyding. Vi vil få foredrag av Dag Hareide, presentasjon av miljøundervisning i barnehage og skole og fokusering på det kommunale ansvaret for medverkand frå barn og unge når det gjeld planlegging og tilrettelegging i kommunane. I tillegg skal vi sjølvsagt ha mat og kulturinnslag. Denne dagen er representantar frå skolar og miljøorganisasjonar velkomne til å delta. Andre dag er målgruppa primært utdanningsansvarlege og miljø-vernleiarar i kommunane. Nærare informasjon og påmeldingsskjema vil bli utsendt i august. Fylkesmannen v/miljøvern-avdelinga, fylkeskommunen v/utdanningsavdelinga og Statens utdanningskontor i samarbeid med TV-aksjonen 1996 står ansvarlege for.
Vi vonar å få med representantar frå barnehage og skole som kan delta på denne samlinga. Skolane kan ta opp tema dei arbeider med uavhengig av TV-aksjonen i haust, eller dei kan legge fram om skolen/ barnehagen sitt engasjement innan årets aksjon.
| Barnehagen/ skolen vel sjølv korleis presentasjonen skal vere, utstilling, framføring, foredrag eller anna. Vi ynskjer å fokusere på samarbeid om miljøspørsmål mellom skole og kommune. Vidare ynskjer vi å ha med ein representant frå dei tre nivåa barnehage, grunnskole og vidaregåande opplæring. På programskissa har vi sett av 1 1/2 time til denne delen. Barnehagar og skolar som kan tenkje seg å delta på Gjermundnes i september, kan ta kontakt med Statens utdanningskontor. Denne samlinga er omtalt i kurskatalogen frå Statens utdanningskontor som gjekk ut til skolar og kommunar i veke 23. Vidare vil “Miljøkontakt” kome med eit eige tema-nummer i august der arbeidet med TV-aksjonen og samlinga på Gjermundnes er hovudtema. Statens utdanningskontor Ivar Vereide
Denne utgåva av Miljøkontakt er eit informajonsark til barnehagar, skular og kommunar i samband med konferansen på Gjermundnes landbruksskule og TV-aksjonen til hausten. Vi vonar denne invitasjonen til å delta på konferansen fører til stor aktivitet på miljøfronten og ønskjer lykke til! Diverre må vi utsetje presentasjonen av mykje godt stoff til neste ordinære utgåve og ynskjer dykk alle ein fin sommar og vel møtt til ein aktiv haust!Red.
| |||||||||
