I tillegg til informasjon om Nettverk for miljølære, har vi sett UTESKULEN på dagsurdenen på dette kurset.

Det har lykkast oss å få hit Helga J. Rudaa som er leiar for Brukerkomiteen i Norsk leirskoleforening. Dette er også eit svært interessant arbeidsfelt - seier kursansvarleg, Ivar Vereide.

Til toppen av sida

Til toppen av sida

NETTVERK FOR MILJØLÆRE
er ikkje berre sjø og livet i fjøra

NETTVERK FOR MILJØLÆRE DEKKJER TRE AKTUELLE FELT:

Vann, Land og By/tettstad
Kvart av dei har fire tema:

1. Berekraftig produksjon og bruk

2. Mangfadet i naturen

3. Arealplanlegging

4. Kulturminne/kulturmiljø

Kulturminne og kulturmiljø
opnar kanskje for ei ny  og spanande side av miljølæra.  Det er kanskje ikkje så " nytt", men når det er sett i system slik det er gjort i VANN, kan  det inspirere til aktivitetar som ikkje "må" gå føre seg  i  vasskanten og likevel ha eit maritimt preg.   

Aktivitetar rundt kulturminne kan skape verdfull kontakt mellom elevane og vaksne utanfor skulemiljøet. 

Kulturminna inviterer til "undring" og gir spelerom for fantasien.
Ein treng ikkje eit museum for å finne spanande kulturminne. 
Dei skulane som ligg nær sjøen, eit vassdrag eller ein bekk, vil oftast finne mange spor etter tidlegare næringsverksemd som er knytt til vatn. 

VANNPERMEN nemner tema som "frå kvernkall til turbin, -  vatn brukt til transport",  tenk på kvernhus, båtar, fløyting av tømmer osv.  Men den lange lista nemner og eventyr, sagn og forteljingar.

Eit gammalt kvernhus kan nok vere spanane - i alle høve dersom ein kan få vatn fram til kvernkallen og oppleve at korn blir til mjøl mellom kvernsteinane, men ein flink forteljar treng ikkje  "vatn på mølla" for å trollbinde barn og ungdom.

Men dei fleste kulturminna er så grusomt
"vaksne",  i alle høve dei som er registrerte som kulturminne.  La oss leite etter vårt kulturminne.
Eitt som vi ikkje treng å få lov til å ta på.  Det treng ikkje vere stort og fint - eitt som vi kan dikte om, leike med og la fantasien få spelerom!

Til toppen av sida

Arbeidet med NETTVERK FOR MILJØLÆRE starta med VANN.   Det var lettast å kome i gang med dette då det byggjer på det nyreviderte Kyst-programmet. 
Dei som ønskjer å bruke den delen av VANN som svarar til Kystprogrammet, kan bruke materiellet som finst i VANNPERMEN,  i alle fall førebels.

Men VANNPERMEN inneheld nye og spanande ting.
Dersom vi slår opp i "VANNPERMEN" på Kultur finn vi ei rekke oppgåver i tillegg til dei vi vanlegvis tenkjer på:

• Vårt kulturminne
  
• Finn eventyr, sagn og forteljingar med tema frå vatn og sjø
  
• Utforsk ruiner og bergkunst
  
• Kartlegg spor etter jakt, fangst og fiske
  
• Kartlegg busetjing og vassforsyning før og no
  
• Frå kvernkall til turbin
  
• Frå fiskehjell til filetfabrikk
  
• Vassvegar.  Kartlegg spor etter bruk av vatn til transport og samferdsel
  
• Kartlegg spor etter gardsdrift eller busetnad
  
• Lag ein plan for vern av eit kulturminne
  
• Dokumenter eit kulturminne med foto eller video
  
• Dokumenter eit kulturminne med modellbygging
  
• Inviter til historisk vandring.
  

Her finn vi ei mengde stoff som kan brukast i prosjekt- og temaarbeid på alle aktuelle plan i grunnskulen.  

Eg har ein god ven med mange tankar omkring kystkultur, Svein Olav Igland i Volda.  Han vaks opp i Bremanger og i 1940-åra og har aldri fått tjørelukta og lyden av båtmotorane ut or kroppen.  Men det var minnet om  leiken i fjøra som tok overhand då han gjorde alvor av  draumen om ein gedigen leikefestival i fjøra på Igland.

Han får  ikkje nok av å hjelpe elevane sine med å snikre leikebåtar.  Rett som det  er står det ein ny modell av ein eller annan kjend fiskebåt frå Bremanger oppe i stova, og der kan   dei saktens stå for dei er mest som prydgjenstandar.   Men det er ikkje oppe i stova båtane skal vere.  Dei skal på sjøen.
Dette var også bodskapen til vener og kjenningar:  Finn fram leiebåten!  Ta han med til Bremanger den 1. juli  -  då skal vi leike oss i fjøra.
Det vart to ugløymande dagar!
Folk møtte fram.   Det har vel aldri vore så mykje folk i Igalnds-fjøra.    Karane bretta opp buksene og vassa utetter grunna med båtane i ei snor etter seg.  Dei vaksne vart ungar i lag med ungane.  Jentene flokka seg kring mødre, tanter og bestemødre som hadde leita fram dukkene frå deira barndom.  Det vart dukkestell og nuppestein, paradis og ballspel.
Til og med halvvaksne gutar og jenter blanda seg i leiken endå dei eigentleg var alt for vaksne til slikt.

Til topps

På denne sida finn du mykje viktig informasjon. Her er lenker til andre viktige miljøsider, både norske og utanlandske. Her er undervisningsopplegg, og sida er kopla til diskusjonsgruppa om miljøundervisning hos NLS. Vannprogrammet sine sider har også lenker hit.
Du finn også eldre nummer av bladet Miljøkontakt.

Det er AV-sentralen i Volda som har ansvaret for tilrettelegging av nettsidene.
Adressa er: www.av-sentralen.no/miljo
Du kjem også i kontakt ved å sende e-post til post@av-sentralen.no