Globalnytt 45
Skoleavis for Norsk nettskole

Sverre Leivdal - 30 ÅR!

Eg vart født i Trondheim, den 7/7-1969, og fylde altså 30 år i år. Mitt første leveår budde eg i Levanger, seinare flytte foreldra mine til Batnfjorden på Nordmøre.

Dei første åra budde vi i eit boligfelt, men i 7 års alderen vart eg tvangsflytta til ein gard lenger oppe i bygda. 

Der vart det etterkvart triveleg å bu, men som så mange vart eg råka av utferdstrang, eg ville ut i den store verda. Eplet fell ikkje langt frå stammen heiter det, begge mine foreldre er lærarar, ja farfar var og av sorten forresten.

 Overraskinga var difor stor då eg reiste til Bindalseidet for å freiste lukka som lærarvikar. Brått vart eg kalla inn til teneste av sjølvaste kongen, eg måtte altså kle meg i kongens klede. 

Turen gjekk til Lillehammer og Jørstadmoen, seinare bar det nordover til Bardufoss. Lærarvikariatet var ikkje avskrekkande nok, for no hadde eg teke avgjerda. 

Det var lærar eg skulle bli. Helgeland og Nesna neste. 3 år i Petter Dass sitt rike var nok, no gjekk ferda til Ål i Hallingdal. Kufferten var større no enn sist, for med på turen var både Honndalstaus og odelsgut. 

Året på Ål ga resultat for då vi reiste derifrå var vi fire. Etter eit år heime på farsgarden i Batnfjorden, pakka vi sekken nok ein gong og flytte til mi kjære kone sitt bestefarshus i Honndalen. 

Her bur vi på femte året og vert vel her buande. Eg pendlar til Hellesylt, der eg arbeider som lærar og rektor ved Sunnylven skule. Dette året er skulen så heldig å få vere med på Norsk nettskole sitt prøveprosjekt. Det er ei stor utfordring som vi håpar å få vere med på også til neste år.