 Brev
til Globalnytt frå Bolivia.
Denne gongen kjem "foreldrebrevet " frå Sucre i Bolivia. Sucre er
hovudstaden i Bolivia, i alle fall i namnet, sjølv om La Paz er det i"gavnet". Sucre Byen er gammal, vart grunnlagt alt i 1538. Byen vaks fram for at spanjolane kunne ha kontroll over alt sølvet dei tok ut frå fjellet i
Potosi. Universitet fekk byen så tidleg som i 1624, og det var her
dei første tankane om frigjering frå Spania kom. Så har då og landet fått
namnet frå fridomshelten Simon Bolivar. Om
Bolivia  Bolivia ligg midt i Sør Amerika, mot Braslil er der store
jungelområder, dei går over i den delen me kallar "dalane", for så å koma opp på høgsletta
på 3800 m.o.havet.
Bolivia deler Titicacasjøen med Peru, men har ikkje
tilgang til havet. Havet mista dei til Chile for 120 år sidan, noko dei framleis reklamerer på i internasjonale fora.
NLM  I 1978 kom me til Bolivia første gong , året etter at Norsk
Luthersk Misjonssamband hadde starta opp arbeid her i landet. Vår familie har det
meste av tida budd på landsbygda, i ein landsby som heiter Acacio.
Klinikk
og evangelisk arbeid Då me kom dit, var komunikasjonane dårlege, og helsestellet var det smått med.
Misjonen starta opp med ein klinikk i tillegg til evangelisk  arbeid. For å
gjera ei lang historie kort, kan me nå etter 20 år sjå tilbake på ei veldig
interessant tid. Mykje har forandra seg etter kvart: Kyrkjer og kristne
forsamlingar har vakse fram i mange bygder og landsbyar, og arbeidet på
klinikken har vore i kraftig utvikling desse åra. Kommunen
overtok klinikk Eit viktig mål vart nådd
sist veke då kommunen tok overdrifta av klinikken, den er nå godt utstyrt,
og det er kome bolivianarar i alle stillingane. Mannen min,
Kjell, reiste og var med på overrekkinga, der han hadde ei historisk oversikt, sidan det var
me som starta opp med bygginga av klinikken i 1981. I helsinga si sa Ordføraren at nå hadde han jammen fått kjenna på kroppen at det var godt
å ha ein klinikk i området, han vart svært sjuk for ein månad sidan, og det
var så vidt dei klarte redda livet hans.
Bibelskulesenter Ein gong før har me budd her i Sucre, frå 1988-92. Me arbeider her på eit
bibelskulesenter, har kurs ein månad om gongen, det er for dyrt å gå eit heilt år i strekk. Men systemet er slik at elevane kan koma att mange
gonger. I tillegg til bibelskulen, er her og eit treårig teologisk seminar,
studentane kjem både frå Peru og Bolivia. Nærradio  På tomta vår står også
radioantennen for nærradioen som misjonen driv her i byen. Sist me budde i Sucre var mange ungdomar innom på radioen og fekk seg småjobbar. Det
gjorde at mange av dei fekk interesse for radioarbeid.
Seinare har dei har
studert kommunikasjon på Universitetet, nå er dei ferdig utdanna og driv radiostasjonen sjølv. Den
norske skulen i Bolivia
Den Norske skulen i Bolivia har tre avdelingar. Den største avdelinga ligg i
Cochabamba, i år har dei 12 elevar frå 1. til 10. klasse. I Tinguipaya har me ein avdeling med tre elevar, og her i Sucre fire, dei er fordelt på
fjerde til sjuande klasse.  Eit par gonger i semesteret har me fellesperiode
der alle samlast på skulen i Cochabamba. Frå august 99 er dei tre eldste elevane i Sucre knytta opp mot Norsk Nettskule. Så langt er me godt
fornøgde med det. Det lettar arbeidet for læraren her, for sjølv om det er
bare fire elevar, så er det og fire klassetrinn som skal ha kvar sitt.
 Julefeiring
Jula nærmar seg, og for oss vil det seie at familien vil vera samla i tre
veker, det gler me oss veldig til. Dei to eldste borna studerer i Norge, ei av jentene går på ungdomsskulen i Cochabamba, og dei to minste går på
skulen her i Sucre. Sidan dei alle er "bolivianarar", dvs. fødde her i
landet, føler dei seg nokså sterkt knytte til Bolivia, og synest dei det er
veldig kjekt å koma hit- og vera her på nytt!
Til sist ynskjer me dykk alle ei god jul og eit godt nytt år her frå
Andesfjella!
Beste helsing Gunvor og Kjell Aardal! Meir
stoff om NLM i Bolivia finn du her. Kart
over Bolivia. |
Globalnytt
51
